ARUSHA ONE : PICHA: Semina ya wasanii waliochaguliwa kuwania tunzo za Kili mwaka huu yafana

Jana ilifanyika semina kwa wateule wa tunzo za muziki za Kilimanjaro za msimu huu ambapo kwa mara ya kwanza, wasanii walizipongeza kwa asilimia kubwa na kutoa maoni zaidi kuliko kuzikosoa kama ilivyokuwa awali.

Katika semina hiyo iliyofanyika katika ukumbi wa New World Cinema maeneo ya Mwenge jijini Dar es salaam na kuhudhuriwa pia na viongozi wa Baraza la Sanaa la Taifa pia wasanii walipata elimu mbali mbali kuhusiana na jinsi mchakato mzima wa tunzo hizo utakavyokuwa ukiendelea.

Tunzo za mwaka huu zimebeba jina la kivyetuvyetu zikiwahimiza watanzania kupenda vya kwao, hamasa iliyowaingia wanamuziki hao ambao walionekana kutoa mawazo ya kuboresha tunzo zaidi kuliko kuzitafuta makosa huku wakiamini kwa asilimia mia moja kwamba hizi tunzo ni za kwao, na wana jukumu la kuzifanya ziwe bora kwa kufanya nazo kazi bega kwa bega.

Pichani juu ni Mzee Yusuph kulia, akiwa na wasanii kutoka katika kundi la jahazo Modern Taarab

...katikati ni Nikkii wa pili kutoka kundi la Weusi

Kutoka kushoto ni Queen Darleen, mwasiti na Linah kutoka THT

Luiza Mbutu hapa akiwa katika utani na meneja wa Mashujaa Band, Martin Sospeter(Aliyevaa Tshirt Nyeupe)

george Kvishe, meneja wa Bia ya Kilimanjaro Premium Lager, wadhamini na waendeshaji wa tunzo za za muziki Tanzania akiongea machache na wasanii waliochaguliwa kuingia katika kinyang'anyiro hicho mwaka huu