WANAWAKE 91 WABAKWA KATIKA SIKU NNE ZA MAANDAMANO NCHINI MISRI.

Sehemu ya waandamanaji wakiwa wamekusanyika mitaani mjini Cairo.

Idadi ya mashambulio ya udhalilishaji na ubakaji dhidi ya waandamanaji wanawake kwenye Uwanja wa Tahrir nchini Misri imefikia 91 katika siku nne tu.

Makundi ya uhalifu yaliwashambulia wanawake hao huku mamilioni ya waandamanaji  yalivamia mitaani kushinikiza Rais Mohammed Morsi kuachia ngazi.

Jana jeshi la Misri lilisonga mbele kuimarisha umiliki wake kwenye taasisi nyeti, hata kufikia kuweka maofisa wake kwenye chumba cha habari cha televisheni ya taifa - muda wa mwisho walioweka viongozi wa jeshi kwa Rais Morsi kumaliza mgogoro wa kisiasa nchini Misri au vinginevyo jeshi lingeweka mipango yake yenyewe ya kisiasa mchana huo wa jana.

Shirika la Haki za Binadamu liliripoti kwamba Oparesheni ya Kuzuia Vitendo vya Udhalilishaji wa Kijinsia inasemekana wanawake wanne kati ya walihitaji msaada wa matibabu, wakiwamo wawili ambao waliokolewa kwa gari la wagonjwa.

Mwanamke mmoja alihitajika kufanyiwa upasuaji baada ya kubakwa kwa kutumia 'kitu chenyr ncha kali' kwa mujibu wa kundi la haki za wanawake la Nazra for Feminist Studies.

Wanawake walipigwa kwa minyororo ya chuma, fimbo na viti, na kushambuliwa kwa visu - baadhi ya mashambulio yalidumu kwa dakika 45 kabla ya kufanikiwa kutoroka.

Wiki iliyopita, mwandishi wa Uholanzi mwenye umri wa miaka 22 alibakwa na kundi la wahuni kwenye Uwanja huo wa Tahrir na alilazimika kufanyiwa upasuaji kufuatia majeraha yake makubwa - shambulio lake la kutisha la ubakaji ni kumbukumbu ya vurugu za Uwanja wa Tahrir mwaka 2011 wakati mwakilishi wa shirika la habari la CBS Lara Logan alipopigwa na kudhalilishwa kijinsia na kundi imara la wanaume 200.

"Mashambulio hayo ya maandamano ya Uwanja wa Tahrir yanaonesha kushindwa kwa serikali na vyama vyote vya siasa kukabiliana na ghasia ambazo wanawake wa Misri wanakabiliwa nazo katika maisha ya kila siku kwenye maeneo ya wazi," alisema Joe Stork, mkurugenzi msaidizi wa Shirika la Haki za Binadamu huko Mashariki ya Kati.

Morsi alitarajiwa ama kujiuzulu au kulazimishwa kuachia madaraka na jeshi jana, lilidai shirika la habari la nchini hu,o, huku picha zilizopatikana zikionesha waandamanaji wakijaribu kutungua helikopta ya kijeshi.

Ghasia kati ya waandamanaji wanaompinga Morsi na makundi ya upinzani ziliongezeka usiku wa kuamkia jana kwa matatizo katika mji mkuu wa Cairo ikishuhudiwa takribani watu 23 wakipoteza maisha na 200 wakijeruhiwa.

Takribani watu 39 wameuawa kwenye mapigano tangu Jumapili iliyopita, na kuibua hofu mgogoro huo unaweza kulipuka na kuzusha mauaji makubwa.

Mapigano hayo yamekuja saa kadhaa baada ya viongozi wa jeshi la nchi hiyo kuweka muda wa mwisho kwa Rais Morsi kutafuta suluhu ya mgogoro wa kisiasa nchini Misri au vinginevyo jeshi hilo litaanzisha mpango wake wa kisiasa.

Jeshi limepanga kumng'oa Morsi endapo hakutafikiwa muafaka wowote, kusimamisha katiba, kuvunja bunge na kuweka uongozi mpya.

Rais Mohammed Morsi ambaye jana alipuuza agizo la jeshi kulazimisha kufikiwa muafaka wa mgogoro wa kisiasa nchini Misri, alitoa hotuba ya kusisimua iliyorushwa moja kwa moja kwa taifa hilo.

Morsi, ambaye mwaka mmoja uliopita alitawazwa kama Rais wa kwanza huru wa kuchaguliwa nchini Misri, aliapa kulinda 'kuhalalishwa kwake kikatiba' kwa maisha yake yote.