AJINYONGA KUTOKANA NA WIVU

 Hamida Hassan 25 Mke wa Marehemu akiwa amejiinamia kwa hudhuni kutokana na Mwanaume aliyekuwa ametengana naye kufa kwa kujinyonga kutokana na wivu wa kimapenzi uliosababishwa na kuishi nyumba zao zikiwa zinatazamana mtaa wa njedengwa Manispaa ya Dodoma.(Picha na John Banda)

 Balozi katika mtaa wa Njedengwa, Sikitu Mrisho akiwafafanulia jambo waandishi wa habari baada ya marehemu mwenye majina zaidi ya manne ya Paulo,Yakobo, Hassan na Joti kukutwa amekufa kwa kujinyonga kwenye nyumba aliyokuwa akiishi Njedengwa manispaa ya Dodoma

Endelea kusoma habari hii kwa kubofya hapa chini

Balozi katika mtaa wa Njedengwa Sikitu Mrisho akiendelea kufafanua jambo

Na John Banda, Dodoma

MWILI wa Mmoja mmoja aliyekuwa akitumia zaidi ya majina manne umekutwa ukinin’ginia kwenye paa la nyumba aliyokuwa akiishi iliyopo katika kitongoji cha Njedengwa, kata ya Dodoma makulu baada ya kudaiwa kujinyonga.

Mwili huo ulikutwa ukiwa umehalibika vibaya kutokana na kuvimba baada ya kuchelewa kugundulika.

Balozi wa mtaa huo Sikitu Mrisho aliliambia Jambo leo kuwa watoto waliokuwa wakicheza nje ya nyumba hiyo ndiyo waliomzindua na yeye kuamua kufuatilia.

Sikitu alisema kuwa  baada ya kufuatilia akabaini ukali wa ile harufu na alipofunua pazia lililokuwa limeufunika mlango akagundua ulikuwa umefungwa kwa ndani na ile harufu iliongezeka ndipo akaamua kuita majirani na kuuvunja mlango huo kabla ya kuita polisi.

Alisema walipoingia waliukuta mwili wa marehemu huyo mwenye utatanishi wa jina lake kutokana na kutumia majina manne tofauti ya Paulo, Yakobo, Mohamed na Hassan Joti ukiwa tayali umeanza kupasuka.

‘’Mwanangu pamoja na chupa hizo zilizosagwa malangoni bado huyu baba akaamua kujitundika, lakini kulikuwa na ugomvi kati yake na mkewe anayeishi hiyo nyumba unayoiona hapo baada ya kutengana na mwanamke akawa na wanaume wengine pengine ndiyo sababu ya kujinyonga’’, alidokeza Balozi huyo

Kwa upande wake Mke wa Marehemu huyo Hamida Hassan [25] mkazi wa njedengwa alikiri kuwa na ugomvi na Mume wake kutokana na yeye kuwa mfanyabiashara ya pombe za kienyeji ambazo mumewe hakutaka kutokana na biashara hiyo kukosa heshima.

‘’Aliwawahi kuniambia nisiende kufanya biashara hiyo eti kwa sababu nikiwa kirabuni wanaume wengi wananishikashika hivyo tukawa tunagombana na tulipofika kwa mwekiti wa mtaa tukaambiwa kwanza kila mtu aishi peke yake’’, alisema mwanamama huyo

Aidha alisema yeye hakuwahi kujua jina lake halisi kutokana na kutumia majina hayo manne na pia hakuwahi kujua nyumbani kwa wakweni wapi pamoja nay eye kumpeleka kwao lakini alipomtaka ampeleke kwa wazazi wake alikataa na kumwambia ni Mgeta wakati siku nyingine alimwambia ni kihonda mkoani morogoro.

Kamanda wa Polisi David Misime alithibitisha kutokea kwa tukio hilo na kuwataka watu wasikimbilie kujinyonga wakati wa matatizo badala yake watafute usuruhisho wa matatizo yao kwa kuwashirikisha watu wengine wakaribu ili wapate kushauriwa.