SIMU ZA MKONONI NA MATUMIZI YAKE

Simu za mkononi hutumika kwa mambo mengi ikiwemo kuongea na watu wengine waliokupigia au uliowapigia, kutuma na kupokea ujumbe mfupi wa maneno, kutuma na kuokea picha au video, kuhifadhi kumbukumbu nakadhalika.

Licha ya simu za mkononi kuwa na matumizi mengi, swala la kujua  ni jinsi gani utaitumia ili matumizi yako yawe ni yenye tija ni muhimu sana. Mfano kama utatumia simu yako ya mkononi vizuri itakusaidia  kurahisisha mambo mengi ambayo hayakulazimu wewe kuwa mahali husika na kutumia mikono yako, kukuepusha wewe kusafiri sehemu moja kwenda pengine pasipo na ulazima na mengine mengi yote ni katika kurahisisha kazi na kuokoa muda.

 Haya ni mambo machache ya kuzingatia unapokuwa mtumiaji wa simu ya mkononi..

1. Kama huna ulazima wa kutumia simu wakati wote, panga muda maalum wa kutumia simu yako.

-Kwa siku tunafanya kazi nyingi ikiwa simu ni moja wapo ya kifaa cha mawasiliano tunachotumia mara kwa mara. Lakini wengi wetu tuna mazoea mabaya ya kutotumia simu vizuri, kama huna ulazima wa kushika simu na kuitumia ni bora ukaendelea kufanya kazi nyingine kuliko kupoteza muda wako muhimu kuchat au kufanya mambo mengine kwenye simu ambayo hayakuwa kwenye ratiba yako ya kazi.

 2. Unapokuwa na simu ya mkononi usipuuze kila mtu anayekupigia.

-Wakati mwingine simu zinazopigwa ni muhimu kwako kupokea kwasababu huna uhakika asilimia mia moja wa kile mpigaji simu anachotaka kukuambia. Kama upo busy sana wataarifu watu wako muda wa kukupigia kwa kuwaeleza muda ambao wanaweza kuwasiliana na wewe.

3. Kama simu yako inakuwezesha kupata internet, epuka kuperuzi sana kwenye mtandao.

-Ni muda mwingi sana tunatumia kuperuzi tovuti mbalimbali za habari, kazi na mitandao mingine ya kijamii ( facebook, twitter ). Mimi binafsi ni muathirika wa kutumia internet kwa muda mrefu kwa siku. Ni vizuri kama ukipanga muda maalum wa kuwa unatumia internet. Mfano: Tumia muda wako kuangalia barua pepe kwenye mtandao angalau mara mbili(2) au tatu(3) kwa siku kama kazi yako haikulazimu kutumia mtandao wa internet muda wote.

 4. Unapokuwa unaendesha chombo cha moto ( gari, pikipiki ) epuka kutumia simu.

-Ajali nyingi sana hutokea barabarani kwasababu ya uzembe wa kutokuwa makini ukiwa barabarani. Unapokuwa barabarani ukiendesha gari, piki, baiskeli epuka kutumia simu. Kama mtu anakupigia au umepokea ujumbe mfupi wa maneno (message) na ni muhimu kwako kupokea ni vyema ukasimamisha chombo unachoendesha na kufanya unachotaka kisha ukimaliza ndio uendelee na safari.

5. Unapokuwa unaandika ujumbe mfupi wa maneno kwa mtu, chunga usitumie lugha chafu.

-Kila mtu anamtazamo wake wa mambo, kuna kitu ambacho wewe unaona ni sawa lakini kwa mweingine utakuwa umemkosea kabisa. Unapotaka kumtumia mtu ujumbe (message) ni vyema ukaihakiki kabla ya kutuma, kufanya hivyo utaepusha kutoelewana baina yako na mpokeaji wa ujumbe uliotuma.

6. Wakati wa maongezi kwenye simu, chunga usipayuke bali ongea kwa sauti ya kawaida.

-Kama nilivyozungumzia kwenye mada iliyopita kuhusu kuongeza ujuzi wako wa kuongea, kupayuka kunaweza kusababisha msikilizaji kukuchukilia vibaya kuwa wewe ni mkali, una hasira au mgomvi. Badilisha sauti yako ya maongezi iwapo tu unasisitiza kitu au unaonyesha hali fulani kuhusu jambo linazungumziwa.

7. Kama wewe unapenda sana kucheza michezo game(s)  kwenye simu, epuka kutumia muda mwingi.

-Simu zetu za mikononi nyingi zina michezo mbalimbali ya kutuburudisha, usijizoeshe kucheza game(s) kwa maana ya michezo kupita kiasi. Ukipata muda wa kupumzika cheza game(s) kuchangamsha akili lakini usipitilize kucheza kupita kiasi.

8. Kama itawezekana, jiwekee muda wako binafsi wa kuwa mbali na simu. Si jambo zuri kila wakati uwe na simu labda kuwe na ulazima wa wewe kuwa karibu na simu muda wote.

-Kuna wakati unahitajika kukaa na watu wako wa karibu kama familia, marafiki au jamaa zako, haipendezi kama utakuwa ukitumia simu ikiwa wenzako wanatagemea uwe nao kwa wakati huo