MAMA MKAPA AWATAKA WAJASIRIAMALI KUZALISHA BIDHAA BORA

Mama Anna Mkapa akiangalia moja ya banda la kufugia kuku cha kikundi cha Engiterata Sidai kilichopo kijiji cha Olgilai wilayani Arumery mkoni Arusha.

Mwenyekiti wa mfuko wa fursa sawa kwa wote(EOTF),Mama Anna Mkapa akiangalia bidhaa za wajasiriamali wakati alipotembelea kikundi cha akina mama cha Engiterata Sidai kilichopo kijiji cha Olgilai wilayani Arumeru mkoani Arusha mwishoni mwa wiki aliyevalia vazi la kimaasai ni mwenyekiti wa kikundi hicho,Janeth Mollel

Picha ya pamoja na mgeni rasmi mama Mkapa

Mama Mkapa akiwa na wanakikundi katika eneo la ujasiriamali

Kamanda Moses Mashalla akinywa oloshoro

Hapa Mama Mkapa akiagana na wanakikundi mara baada ya kumaliza kutembelea kazi zao

Wajasiriamali nchini wametakiwa kuzalisha bidhaa zenye ubora ili waweze kupata masoko ya uhakika sanjari na kyale yaliyo nchi za nje.

 

Kauli hiyo ilitolewa hivi karibuni na mwenyekiti wa mfuko wa fursa sawa kwa wote(EOTF),Mama Anna Mkapa wakati alipotembelea kikundi cha akina mama cha Engiterata Sidai kilichopo kijiji cha Olgilai wilayani Arumeru mkoani Arusha.

 

Akiongea mara baada ya kuangalia bidhaa mbalimbali zinazotengenezwa na kikundi hicho,Mama Mkapa aliwataka wanakikundi hao kujikita kuzalisha bidhaa zilizo na ubora ili ziweze kupata masoko ya ndani na nje ya nchi.

 

Alisema kuwa biashara siku hizi ni ushindani hivyo wao hawana budi kuzalisha bidhaa zitakazo uzika sokoni sanjari na kupanua masoko yao.

 

Akikagua shughuli za wanakikundi hao ikiwa ni pamoja na mradi wa ngombe wa maziwa sanjari na kuku wa mayai Mama Mkapa  aliwataka wanakikundi hao kutopenda vitu vya bure katika shughuli zao kwa kuwa mafanikio yanakuja kwa kujishughulisha.

 

Hatahivyo,alisisitiza kuwa yeye pamoja na mfuko wake watasaidia kuwapa elimu ya masuala ya usimamizi wa fedha wanachama wa kikundi hicho mwishoni mwa mwezi huu sanjari na kuwaunganisha kupata nafasi ya kuonyesha bidhaa zao katika maonyesho ya Sabasaba mwaka huu.

 

Awali mwenyekiti wa kikundi hicho,Janeth Mollel alimweleza mgeni rasmi kwamba wanajitahidi kutengeneza bidhaa kwa wingi lakini wanakabiliwa na tatizo la upatikanaji wa masoko ya uhakika.

 

Mollel,alisema kuwa tatizo la mtaji mdogo nalo ni changamoto kwao kwa kuwa wanashindwa kupeleka bidhaa nje ya nchi na kumtaka Mkapa kuwasaidia katika changamoto hizo.

 

Hatahivyo,mkurugenzi mtendaji wa mfuko wa fursa sawa kwa wote,Stephen Emmanuel  aliwahaidi wanachama wa kikundi hicho kuwapatia semina ya siku tatu kuhusu masuala ya usimamizi wa fedha itakayofanyika jijini Dar es salaam ambapo alisema gharama za malazi na chakula zitagharamiwa na mfuko huo.